глас 8
Православия ревнителю, благоче­стия наставниче, ищущим спасения доб­рый кормчий, монашествующих Богодухновенное украшение, Богоноснаго Евфимия собеседниче, святителю Дионисие, ученьми и добродетельми оте­чество твое просветил еси, не забуди нас, чтущих тя, но в мире управи живот наш.

Слава

глас 8
Звезду Российскую от Киева возсиявшую чрез Нижний Новград в Суждаль достигшую, и всю страну сию учением озарившую, ублажим Богомудраго Дионисия, той бо молится Господу спастися душам нашим.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.