глас 4
Словес евангельских послушателю и Божественных учений рачителю, пре­мудрый наказателю, всегда страху Гос­подню поучаяйся, в молитвах к Богу простираяйся, заградителю уст кривоглаголющим слово правыя веры, яко апос­толом сопричастниче, вере Христовой утвердителю, пророчески вещателю, святителю Фотие, моли Христа Бога умирити мир и спасти души наша.

Слава

глас 8
Троице сосуд явился честный твоим житием, святителю Фотие, всегда зряй Святую Троицу, Ейже предстоиши, молися непрестанно о всех нас.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.