глас 4
Брата Божия на престоле архиерейства преемниче, святаго града Иеруса­лима иерарше достохвальне, с богомудрыми отцы в Халкидоне изъяснил еси воплощение Сына Божия, пришедшаго мир обновити и обожити вся человеки, в Церкви Его с Ним сочетавшияся, святителю отче Иувеналие, предстоя ныне во Царствии Отца светов, о почитающих тя любовию молися, да мир и милость Спасова будет с нами.

Слава

глас 2
Божественный гром, труба духовная, веры насадителю и отсекателю ересей, Троицы угодниче, великий святителю, со Ангелы предстоя присно, моли непрестанно о всех нас.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.