глас 8Яко иноков утверждение, наставник же граждан пустынных, и чудотворец, благодатию Великому Антонию подобяся, помощник в страстех бедствующим неотступен, Иларионе отче наш, моли за чтущия святую память твою.
Слава
глас 3Яко светильника незаходимаго, умнаго тя солнца, сошедшеся днесь восхваляем в песнех, возсиял бо еси сущим во тьме неведения, вся возводя к Божественней высоте, Иларионе. Темже вопием: радуйся, отче, всех постников основание.
И ныне
глас 6Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.
