глас 4
Небесных воинств Архистратизи, молим вас присно мы недостойнии, да вашими молитвами оградите нас кровом крил невещественныя вашея славы, сохраняюще нас, припадающих прилежно и вопиющих: от бед избавите нас, яко чиноначальницы вышних Сил.

глас 1
Воистину достойно наречен был еси Иларион, тихостен бо и кроток нрав по имени твоему имел еси, блаженне, имже кроткому Господу Иисусу благоугодив, молися Ему о нас рабех твоих.

глас 2
Архистратизи Божии, служитилие Божественныя славы, Ангелов начальницы и человеков наставницы, полезное нам просите и велию милость, яко Безплотных Архистратизи.

Слава

глас 2
Великий ангельский образ иноческаго чина, святую схиму, яко прием, и второе отрицание суетнаго мира сего яко сотворь, тщался еси всеми образы, преподобне Иларионе, обещание делом исполнити и образу святому приличне пожити, тем тя чтим и ублажаем.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.