глас 3
Велика обрете в бедах тя поборни­ка вселенная, страстотерпче, языки побеждающа. Якоже убо Лиеву низло­жил еси гордыню, и, на подвиг дерзно­венна сотворив Нестора: тако святе Димитрие, Христу Богу молися, даро­вати нам велию милость.

Слава

глас 2
Кровей твоих струями, Димитрие, Церковь Бог обагри, Давый тебе крепость непобедимую, и соблюдая град твой невредим; того бо еси утверждение.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.