глас 2
Страстотерпцы Господни, блажен­на земля, напившаяся кровьми вашими, и свята селения, приимшая телеса ваша: в тризнищи бо врага победисте и Хрис­та со дерзновением проповедаете: Того яко блага молите спастися, молимся, ду­шам нашим.

Слава

глас 2
Благочестивыя и Богоносныя мученики, яко на земли оставльшия вся, приял еси в наслаждение благих Твоих и упокоение, Акиндина, Пигасия, Анемподиста, с нимиже Аффониа и Елпидифора же, Едине Сый Преблагий.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.