глас 6
Днесь благодать Святаго Духа нас собра, прославити отцы Собора Церкве Русския с Первосвятителем Московским Тихоном, иже верныя люди земли нашея на подвиг исповедания правыя веры благословиша и страдании своими Церковь нашу прославиша.

Слава

глас 3
Гонения и страдания даже до смерти претерпевающе и православнаго Царства Русскаго разорение обличающе, отцы Собора Церкве нашея к покаянию чада верныя призывают и стояти твердо за веру Христову благословляют.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.