глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 3
Божественныя веры исповеданием другаго Павла тя Церковь ревнителя во священницех показа, свозопиет ти и Авель ко Господу, и Захариина кровь праведная. Отче преподобне, Христа Бога моли дароватися нам велией милости.

Слава

глас 2
Облиставый на земли, яко звезда Небосветлая, Кафолическую просвещаеши Церковь ныне, о нейже страдальчествовал еси, душу твою, Павле, предложив: и якоже Захариина и Авелева, ясно вопиет твоя кровь ко Господу.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.