глас 8
Божиим Духом подвизаемь, слез твоих тучами изсохшее напоил еси, и безплотное в пустыни житие показал еси, и еже из глубины сердца бодренными молитвами и постом благодеяния тру­ды уплодоносил еси, и, вселенную всю просветил еси сиянием чудес твоих, отче наш Кирилле, моли Христа Бога спастися душам нашим.

Слава

глас 8
Взбранному и крепкому адаманту, прогонителю бесов, новому чудотворцу, победительная, страстей злых свободившеся, благодарственная восписуем ти, отче наш Кирилле, но, яко имея дерзновение у престола Христова, верою чтущих тя, град же и люди, молитвою твоею сохраняй: ты бо еси стаду твоему похвала и утверждение.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.