глас 4
Преподобнически пожив, яко муд­рый иерарх, прославил еси Господа добродетельным житием, Нектарие преподобне. Темже, Утешителя прослав­лен силою, Божественными мощми твоими, демоны отгониши и болящия исцеляеши, верою приходящим ти.

Слава

глас 2
Божественный гром, труба духовная, веры насадителю и отсекателю ересей, Троицы угодниче, великий святителю, со Ангелы предстоя присно, моли непрестанно о всех нас.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.