глас 8
Православия наставниче, благочестия учителю и чистоты, вселенныя светильниче, архиереев богодухновенное удобрение, премудре, ученьми твоими вся просветил еси, цевнице духовная, моли Христа Бога спастися душам нашим.

Слава

глас 2
Постническое и равноангельное житие твое страдальческими уяснил еси подвиги, и ангелом совсельник, Богоблаженне, явился еси, Феодоре, с ними Христу Богу моляся не престай о всех нас.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.