глас 4
Небесных воинств Архистратизи, молим вас присно мы недостойнии, да вашими молитвами оградите нас кровом крил невещественныя вашея славы, сохраняюще нас, припадающих прилежно и вопиющих: от бед избавите нас, яко чиноначальницы вышних Сил.

глас 4
В терпении добрострадальных подвиг твоих многообразныя раны претерпел еси, и по кончине своей венец от Бога с мученическими лики восприемлеши, и в земли кротких достойно водворяешися, блаженне, о нас Христа Бога моли даровати душам нашим велию милость.

глас 2
Архистратизи Божии, служитилие Божественныя славы, Ангелов начальницы и человеков наставницы, полезное нам просите и велию милость, яко Безплотных Архистратизи.

Слава

глас 3
В царех благочестно пожив и страдания путь прошед, веледушне, и страдальцем равночестен венечник явился еси, и церковь твоя прославляет тя славно, святыми благоуханными мощьми твоими освящаема, темже почитаем и тайно вопием ти: от бед избави нас молитвами твоими, святе.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.