глас 3
Благоукрашается вселенная, Ефиопия ликовствует, яко венцем красуема, тобою просветившися, светло торжествует память твою, Богоглаголиве Филиппе, вся бо веровати Христу научил еси и течение совершил достойно Евангелия. Тем дерзновенно варит Ефиопская рука к Богу, Егоже моли даровати нам велию милость.

Слава

глас 8
Ученик и друг Твой, и подражатель страсти Твоея, вселенней Бога Тя проповеда, богоглаголивый Филипп. Того молитвами от врагов пребеззаконных Церковь Твою и всяк град Твой Богородицею соблюди, Многомилостиве.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.