глас 4
Правило веры и образ кротости, воздержания учителя яви тя стаду твоему Яже вещей истина, сего ради стяжал еси смирением высокая, нищетою богатая, отче, моли Христа Бога спастися душам нашим.

Слава

глас 2
Божественный гром, труба духовная, веры насадителю и отсекателю ересей, Троицы угодниче, великий святителю, со Ангелы предстоя присно, моли непрестанно о всех нас.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.