глас 4
Готовися, Завулоне, и красуйся, Неффалиме, Иордане реко, стани, подыми, взыграя, креститися грядуща Владыку; веселися, Адаме с праматерию, не крыйта себе, якоже в раи прежде, ибо, наги видев вы явися, да облечет в первую одежду. Христос явися, всю тварь хотя обновити.

глас 4
Многоскорбный угодниче Христов, святителю отче наш Афанасие, в житии своем крест тяжкий понесый и многия гонения и клеветы претерпевый, не остави нас, чад твоих, твоим предстательством, имаши бо дерзновение ко Господу молитися, о еже всякия скорби нам претерпети достойно, ко спасению душ наших.

Слава

глас 8
Избранный от юности угодниче Христов, славу мира нивочтоже вменивый и Господеви последствовати возжелевый, темже поношения и гонения паче хвалы вменил еси, и даже до смерти о Церкви Святей болезновал еси, сего ради зовем ти умильно: Радуйся, многоскорбный святителю Афанасие, радости небесныя причастниче.

И ныне

глас 4
Во струях днесь Иорданских быв, Господь Иоанну вопиет: не убойся крестити Мя, спасти бо приидох Адама первозданнаго.