глас 1
Во Иордане крещающуся Тебе, Господи, Троическое явися поклонение: Родителев бо глас свидетельствоваше Тебе, возлюбленнаго Тя Сына именуя, и Дух в виде голубине, извествоваше словесе утверждение. Явлейся, Христе Боже, и мир просвещей, слава Тебе.

глас 4
Правило веры и образ кротости, воздержания учителя яви тя стаду твоему Яже вещей истина, сего ради стяжал еси смирением высокая, нищетою богатая, отче, моли Христа Бога спастися душам нашим.

Слава

глас 2
Божественный гром, труба духовная, веры насадителю и отсекателю ересей, Троицы угодниче, великий святителю, со Ангелы предстоя присно, моли непрестанно о всех нас.

И ныне

глас 4
Явился еси днесь вселенней, и свет Твой, Господи, знаменася на нас, в разуме поющих Тя: пришел еси и явился еси, Свет Неприступный.