глас 1
В рождестве девство сохранила еси, во успении мира не оставила еси, Богородице, преставилася еси к животу, Мати сущи Живота, и молитвами Твоими избавляеши от смерти души наша.

глас 4
Образом Твоим радостотворным, Владычице, Всецарице Богородице, болезни и недуги наша исцели и от всяких бед и напастей огради, к заступлению Твоему присно прибегающих.

Слава

глас 8
Новоявленней иконе Богородицы Всецарицы предстояще и на лик Тоя взирающе, со умилением и любовию глаголем: низпосли, Владычице, цельбы к Тебе притекающим, и подаждь утешение в скорби сущим, да, восприемше милость, благодарне воззовем Ти: Радуйся, Всецарице, недуги наша благодатию исцеляющая.

И ныне

глас 2
В молитвах Неусыпающую Богородицу, и в предстательствах непреложное упование, гроб и умерщвление не удержаста: якоже бо Живота Матерь, к животу престави, во утробу Вселивыйся Приснодевственную.