глас 4
От юности желание к Богу возложив, на пажитех монашеских упаслся еси и, многия добродетели стяжав, архипастырь словесных овец явился еси, ихже добре упас, многия скорби от богоборцев претерпел еси и, мучением путь скончав, Царствие Небесное наследовал еси, священномучениче Павлине, моли Христа Бога спастися душам нашим.

Слава

глас 3
Апостолов наследниче и святителей украшение, Павлине досточудне, ныне Церковь Русская тя достойно воспевает, ты бо глаголы жизни вечныя небоязненно возвещал еси и, Христа пред отступники честне исповедав, кровию твоею во Святая Святых вшел еси. Моли спастися душам нашим.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.