глас 3
Велика в скорбех утешителя обрете тя Церковь Русская, святе Кирилле, ты бо, в годину гонения чашу страданий прием, жаждущия правды воедино собрал еси, яко орел небесный под криле птенцы своя, и вся научил еси веры доброму исповеданию. Темже в лице новых мученик Престолу Божию предстоиши, моляся о чтущих любовию память твою.

Слава

глас 5
Лучезарною твоею благодатию нас просвети, поющих мужества твоего крепость, яже воителем тьмы бе неприступна, и молитвами твоими Церковь Русскую в единомыслии утверди и от бед отечество наше огради, святителю Кирилле, мучениче славный.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.