глас 4
Цвет благоуханный жития священнаго и плод преизрядный страдальчества Церкви Русской даровался еси, святителю Сергие блаженне, новомучеников сопричастник быв и святителей сопрестольник, моли Христа Бога спастися душам нашим.

Слава

глас 8
Аще и повержено бысть честное тело твое без вести среде степи Карагандинския, но в лице новомучеников русских нам явлен был еси, священномучениче славне Сергие: с нимиже озаряеши концы Отечества нашего, прося нам мира и велия милости.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.