глас 4
Апостольскаго служения преемник быв, слово Христовы истины право правил еси, веры же ради гонения и страдания претерпев, на высоту боговедения возшел еси, сего ради и венцем мученическим украсился еси, Серафиме премудре. Молися Господеви о спасении душ наших.

Слава

глас 3
Яко иерарх усердно Церкви Христовей послужив, путем исповедания веры небоязненно шествовал еси, огнь богоборчества угашая и соблазн разделений любовию врачуя, пастырь добрый стаду твоему явился еси. Сего ради умильно вопием: от бед и скорбей сохраняй нас молитвами твоими, святителю Серафиме досточудне.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.