глас 5Добрым подвигом подвизаяся, украшение иереем явился еси, отче Иоанне, любомудрию же отцев Синайских поучаяся, разум истине Христовой покорил еси, пастве твоей образ чистоты и благочестия явив, кровию мученическою житие запечатлел еси. Темже Богу предстоя, моли спастися душам нашим.
Слава
глас 2Молитвенника тепла обрете тя земля Московская, священномучениче Иоанне, ты бо, в пастырских трудех усердно подвизаяся, многия на стези спасения наставил еси и, от Христа мученическим венцем украсився, во обителех райских водворился еси. Темже тя любовию величаем.
И ныне
глас 6Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.
