глас 4
Рождество Твое, Христе Боже наш, возсия мирови свет разума, в нем бо звездам служащии звездою учахуся Тебе кланятися, Солнцу правды, и Тебе ведети с высоты Востока. Господи, слава Тебе!

глас 1
От юности Бога взыскал еси, преподобномучениче Исаакие, старцем Оптинским поревновавый, креста своего николиже оставил еси, темже ныне с новомученики Церкве Русския водворяешися, мы же тебе с любовию вопием: слава Давшему тебе крепость, слава Венчавшему тя, слава Подающему тобою нам исцеления.

Слава

глас 3
Новомучеников предивная доброто, венценосче Исаакие, страданьми твоими Оптинский собор украсися, уничижения бо в похвалу вменив, душу твою за други положил еси, и в место упокоения Небеснаго пришел еси и оттуду благословляеши верно чтущую тя обитель твою.

И ныне

глас 3
Дева днесь Пресущественнаго раждает и земля вертеп Неприступному приносит, ангели с пастырьми славословят, волсви же со звездою путешествуют, нас бо ради родися, Отроча Младо, Превечный Бог.