глас 5
Чудеса святых Твоих мученик, сте­ну необоримую нам даровавый, Христе Боже, тех молитвами советы языков разори, Церковь святую укрепи, яко Един Благ и Человеколюбец.

Слава

глас 2
С высоты, мудрии, благодать приемше, сущим во искушениих предстоите, всехвальнии. Темже отроковицу, святии, от смерти горькия избависте, вы бо воистину есте Едесу слава и миру радость.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.