глас 3
Усердно от мытницы к звавшему Владыце Христу, явльшуся на земли человеком за благость, Тому последо­вав, апостол избранный явился еси и благовестник Евангелия вселенней велегласен. Сего ради чтим честную па­мять твою, Матфее богоглаголиве, мо­ли Милостиваго Бога, да грехов оставле­ние подаст душам нашим.

Слава

глас 4
Мытарства иго отверг, правды игу припряглся еси, и явился еси купец всеизряднейший, богатство принес, юже с высоты премудрость. Отонудуже проповедал еси истины слово, и унылых воздвигл еси души, написав час судный.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.