глас 8
С высоты снизшел еси, Благоутробне, погребение приял еси тридневное, да нас свободиши страстей, Животе и воскресение наше, Господи, слава Тебе.

глас 8
В молитвах бодрствуя, чудес деланьми претерпевая, тезоимение стяжал еси исправления, но молися Христу Богу, отче Григорие, просветити души наша, да не когда уснем в смерть.

Слава

глас 2
Чудес многих прием действо, знаменьми ужасными демоны устрашил еси, и недуги отгнал еси человеческия, всемудре Григорие, чудотворец же именуешися, звание от дел прием.

И ныне

глас 8
Воскрес из гроба, умершия воздвигл еси, и Адама воскресил еси, и Ева ликует во Твоем воскресении, и мирстии концы торжествуют еже из мертвых востанием Твоим, Многомилостиве.