глас 8
С высоты снизшел еси, Благоутробне, погребение приял еси тридневное, да нас свободиши страстей, Животе и воскресение наше, Господи, слава Тебе.

глас 1
Послушания добрый рачитель быв, преподобне Никоне приснопамятне, церковь бо прекрасну Святыя Троицы в похвалу отцу твоему воздвигл еси. Темже и мы, чада твоя, любовию вопием ти: слава Давшему ти крепость, слава Вен­чавшему тя, слава Действующему тобою всем исцеления.

Слава

глас 4
Духовному твоему настоятелю, отче Никоне, всячески прилепився, и от него наставляем, во всем Христови поработився, монахов был еси чиноначальник, и преподобных сожитель, с нимиже Христа Бога моли непрестанно о всех нас.

И ныне

глас 8
Воскрес из гроба, умершия воздвигл еси, и Адама воскресил еси, и Ева ликует во Твоем воскресении, и мирстии концы торжествуют еже из мертвых востанием Твоим, Многомилостиве.