глас 4
Духа Святаго благодать стяжав, богомудре святителю Филарете, истину и правду разумом просвещенным людем проповедал еси, мир и милость сердцем умиленным страждущим явил еси, яко учитель веры и страж неусыпный, паству Российскую жезлом правости сохранил еси. Сего ради ко Христу Богу дерзновение имея, моли даровати Церкве утверждение, людем и душам нашим спасение.

Слава

глас 2
Яко истинный подражатель преподобнаго Сергия, добродетель измлада возлюбил еси, богоблаженне Филарете. Яко пастырь пра­ведный и исповедник непорочный, по святем преставлении от безбожных поругание и поношение приял еси, Бог же знаменми и чудесы тя прослави и заступника Церкве нашея яви.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.