глас 4
Христову мученику тезоименит был еси, преподобне, многи тру­ды подъял еси терпением своим, и убиение от окрестных и нуждную смерть претерпел еси, и ныне, о преподобномучениче отче Адриане, моли душевныя и телесныя наша страсти уврачевати, иже верою и любовию обретение честных мощей твоих почитающих и всечестную твою память празднующих.

Слава

глас 4
Христа ради доблественне претерпел еси и венец нетления от Него восприял еси страдания своего, приходящим же с верою к тебе подаеши цельбы, о преподобномучениче Адриане, приснопамятне, молитвенниче о душах наших.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.