глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 3
Образ был еси воздержания, Боже­ственным Духом вся просветив, правоверия течение совершил еси, учением мир просветил еси и зловерных обли­чил еси смыслы, отче преподобне Гри­горие, Христа Бога моли даровати нам велию милость.

Слава

глас 3
Светлое тя солнце Церковь познавает, добродетелей красотами и исцелений лучами всех просвещая, Христов угодниче. Темже празднуем честную память твою и почитаем подвиги твоя, всеблаженне отче, премудре Григорие.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.