глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Иже Божественным началом пре­мудрости, страхом Господним утверждся, оттуду священными восхождении возшел еси во ученичество Златоуста, и, архиерейскаго того престола достоин быв чистоты добротами, апостольским правилом себе вообразив, не себе живый, но Христу и стаду твоему. Тем в нетленный живот апостольски вселился еси, иерарше Прокле, моли Христа Бо­га спастися душам нашим.

Слава

глас 4
Достойно днесь торжествует всех градов честнейший воистину, в честном преставлении твоем, отче отцов, Прокле мудре.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.