глас 4Днесь благоволения Божия предображение и человеков спасения проповедание, в храме Божии ясно Дева является и Христа всем предвозвещает. Той и мы велегласно возопиим: радуйся, смотрения Зиждителева исполнение.
глас 4Яко благочестиваго корене пречестная отрасль был еси, блаженне Александре, яви бо тя Христос, яко некое Божественное сокровище, Российстей земли, новаго чудотворца преславна и богоприятна. И днесь сошедшеся в память твою верою и любовию, во псалмех и пениих радующеся, славим Господа, давшего тебе благодать исцелений. Егоже моли спасти град сей, и страна нашей Богоугодней быти, и сыновом российским спастися.
Слава
глас 8Яко звезду тя пресветлую почитаем, от востока возсиявшую, и на запад пришедшую, всю бо страну сию чудесы и добротою обогащаеши, и просвещаеши верою чтущия память твою, Александре блаженне. Сего ради днесь празднуем твое успение, людие твои сущии, моли спасти Отечество твое, и вся притекающия к раце мощей твоих, и верно вопиющия ти: радуйся, граду нашему утверждение.
И ныне
глас 4Пречистый храм Спасов, многоценный чертог и Дева, священное сокровище славы Божия, днесь вводится в дом Господень, благодать совводящи, яже в Дусе Божественном, Юже воспевают ангели Божии, Сия есть Селение Небесное.
