глас 4
Днесь благоволения Божия предображение и человеков спасения проповедание, в храме Божии ясно Дева является и Христа всем предвозвещает. Той и мы велегласно возопиим: радуйся, смотрения Зиждителева исполнение.

глас 4
Правило веры и образ кротости словом и житием пастве твоей, отче смиренномудре Митрофане, был еси. Темже и во светлостех святых солнца светлейши возсиял еси, венцем нетления и славы украшаемь, моли Христа Бога стране нашей и граду твоему в мире спастися.

Слава

глас 8
Воздержанием тело духу поработив, душу же равноангельну сотворив, святительскою одеялся еси одеждею, яко венец священства; и ныне, всех Владыце предстоя, моли, всеблаженне Митрофане, умирити и спасти души наша.

И ныне

глас 4
Пречистый храм Спасов, многоценный чертог и Дева, священное сокровище славы Божия, днесь вводится в дом Господень, благодать совводящи, яже в Дусе Божественном, Юже воспевают ангели Божии, Сия есть Селение Небесное.