глас 3Светильниче Церкве пресветлый, озаривый лучами доброт твоих страну сию и исцеленьми многими притекающих к тебе с верою Бога прославивый, молим тя, святителю отче Иннокентие, ограждай молитвами твоими град сей от всех бед и печали.
Слава
глас 4Непорочности соименнаго пастыря, проповедника веры в языцех монгольских, славу и украшение Иркутския паствы любовию восхвалим вси вернии, той бо есть хранитель страны сея и молитвенник о душах наших.
И ныне
глас 6Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.
