глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Мучении странноужасными и доблестию терпения всех преудивил еси, многострадальне, над коимждо составом удеси резания благодарны мольбы предивне изрекл еси Господу. Тем, во страдании твоем венец прием, к престолу возшел еси Небеснаго Царя Христа Бога, Иакове, Того моли спасти души наша.

Слава

глас 2
Уверився доброю сопружницею, терпеливодушне, и страшнаго судища убоявся, персское повеление и страх, Иакове, поплевал еси, и явился еси мученик честный, телом яко розга режемь.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.