глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 1
Монашествовав Богоугодно, Богоносне отче наш, молитвою и постом Бога взыскал еси и был еси приятелище чисто Духа, блистая верным добродетельныя зари, имиже просвещаеши вся чтущия тя. Слава прославльшему тя Христу, слава Укрепльшему тя, слава Действующему тобою всем исцеление.

Слава

глас 2
Чистотою душевною божественне вооружився, и непрестанныя молитвы яко копие вручив крепко, пробол еси бесовская ополчения, отче наш, моли непрестанно о всех нас.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.