глас 4
Избран от юности Богови быв, святителю Иакове, сего ради архиерейства саном почтен, упасл еси люди, яже тебе Богом врученныя, темже и по преставлении чудес дарования от Бога приял еси исцеляти различныя недуги. Моли о нас, совершающих честную память твою, да тебе непрестанно величаем.

Слава

глас 8
Яко архиереев сопрестольник и святителем изрядный поборник был еси, святителю Иакове, непрестанно сохраняй отечество твое, град же и люди, тебе верою почитающия и честным мощем твоим покланяющияся, да велегласно тебе вопием: радуйся, Иакове Богомудре.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.