глас 4
От юности твоея добре воспитався трудами, воздержанием, постом и молитвами, чисту и непорочну сотворил еси душу твою. Сего ради на престол святительства сел еси и, яко звезда многосветлая, просвещая верных сердца зарями чудес твоих, отче наш святителю Феодоре, и ныне моли Христа Бога, да спасет души наша.

Слава

глас 2
В молитвах Господеви предстоя, якоже крепкий адамант во утвари, по вся дни и нощи пред лицем Божиим светяся молитвами, ихже ради трудов незаходимаго света сподобився, но, яко имея дерзновение к рождшемуся от Святыя Девы Христу Богу нашему, Егоже моли непрестанно о всех нас.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.