глас 4
Христа Спаса вернии ученицы, Церкве Русския блаженная чада, святии новомученицы Богородстии, вы, веру Православную твердо исповедавше, стезею крестною к Небесному граду востекли есте. Темже, яко теплии ходатаи наши, присно молитеся ко Господу спастися душам нашим.

Слава

глас 5
Чада верная Церкве Русския, мучений и смерти не убоявшеся, за Христа страдания прияли есте и землю Богородскую кровьми своими освятили есте. Ныне же, у Престола Божия веселящеся, о земнем Отечестве вашем непрестанно молитеся, веру и благочестие в нем укрепити и нам победительми греха явитися.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.