глас 5
Матерь познавше Христову Церковь, училище благодати и истины возлюбисте, догматы же Православными утверждени, столпи непоколебимии веры явистеся и, заветы евангельския добре исполнивше, мученическими кровьми ризы своя обагристе. О, страстотерпцы прехвальнии, поминайте нас, чтущих любовию память вашу, да обрящем у Христа Бога велию милость.

Слава

глас 3
Огнь благодати от Духа восприимше, святии новомученицы училища Коломенскаго, огня безбожия не убоястеся и, Христа православно исповедавше, кровьми своими веру запечатлесте. Темже всех нас во благочестии утвердите, учащим и учащимся просвещение подайте, богословцы и мученицы преславнии.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.