глас 4
Владычице Чистая, призри, Богородице, виждь наших язв болезни, и умилосердися, Пречистая, и исцели совестное жжение, Твоею милостию орошающи, и вопиюще рабом Твоим: Аз есмь с вами, и никтоже на вы.

Слава

И ныне

глас 6
Призри на ны, Всепетая Богородице, возсияй просвещение сердцам омраченным и озари стадо Твое, Пречистая елико хощеши, и можеши, яко Мати сущи Зиждителя Твоего, и возопий молящим Тя: Аз есмь с вами, и никтоже на вы.