глас 1
Крыма царское священие, от всякаго языка, и рода, и звания, кровьми своими багряницу исткавше, венцы носяще страдания за Христа, свят Богу язык нарекостеся, новомученицы и исповедницы славнии. Темже родства со святыми, и Царства Небеснаго наследия, молитвами вашими вся ны сподобите.

Слава

глас 7
Не ктому, во плоти сущии, по плоти ходити имамы, зрим бо славный Собор новомучеников Крымских, иже злобу ада превозможе силою крестною, и венцы победы украшается, зовый: возведемся к подвигу с веселием, братие, Крестом бо Христовым внидем паки в рай.

И ныне

глас 6
Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти, ускори на молитву, и потщися на умоление, предстательствующи присно, Богородице, чтущих Тя.