глас 1
Спаси, Господи, люди Твоя и благослови достояние Твое, победы на сопротивныя даруя, и Твое сохраняя Крестом Твоим жительство.

глас 4
Бывый, блаженне Мардарие, нестя­жатель Христа ради, и Того за многая твоя благодеяния в сердце твое вселивый, молися о нас, поющих тя.

Слава

глас 2
Вышних ища, нижних не стяжал еси, и колесницу огненну к Небеси, нестяжание, себе поставль, со ангелы жити сподобился еси, Мардарие славне, с нимиже Христа Бога моли непрестанно о всех нас.

И ныне

глас 8
Со святыми упокой, Христе, души раб Твоих, идеже несть болезнь, ни печаль, ни воздыхание, но жизнь безконечная.