глас 4
Готовися, Вифлееме, отверзися всем Едеме, красуйся Евфрафо, яко древо Живота в вертепе процвете от Девы, рай бо Оная чрево явися мысленный, в немже Божественный сад, от негоже ядше, живы будем, не якоже Адам умрем. Христос раждается прежде падший возставити образ.

глас 4
Яже прежде безплодная земле, ны­не веселися: се бо Христос светильника в тебе показа, яве сияюща в мире и исцелевающа недуги и болезни наша. Сего ради ликуй и веселися со дерзнове­нием: святитель бо есть Вышняго, сия соделоваяй.

Слава

глас 2
Взбранному и дивному нашея земли чудотворцу, днесь любовию к тебе притекаем, песнь, богоносе, плетуще, яко имея дерзновение ко Господу, многообразных избави нас обстояний, да зовем ти: радуйся, утверждение граду нашему.

И ныне

глас 3
Дева днесь Превечное Слово в вертепе грядет родити неизреченно; ликуй, вселенная, услышавши, прослави со ангелы и пастырьми хотящаго явитися Отроча Младо, Превечнаго Бога.