глас 4
Готовися, Вифлееме, отверзися всем Едеме, красуйся Евфрафо, яко древо Живота в вертепе процвете от Девы, рай бо Оная чрево явися мысленный, в немже Божественный сад, от негоже ядше, живы будем, не якоже Адам умрем. Христос раждается прежде падший возставити образ.

глас 4
Победоноснаго Воскресения истинноименитая наречена еси, мученице Христова, победы на враги поставила еси мук терпением, Христа ради, Же­ниха твоего, Егоже возлюбила еси. Того моли спасти души наша.

Слава

глас 2
Во искушениих и скорбех сущии, к твоему храму притекающе, приемлют честная дарования от живущия в тебе Божественныя благодати, Анастасие, ты бо присно миру точиши исцеления.

И ныне

глас 3
Дева днесь Превечное Слово в вертепе грядет родити неизреченно; ликуй, вселенная, услышавши, прослави со ангелы и пастырьми хотящаго явитися Отроча Младо, Превечнаго Бога.