глас 4Рождество Твое, Христе Боже наш, возсия мирови свет разума, в нем бо звездам служащии звездою учахуся Тебе кланятися, Солнцу правды, и Тебе ведети с высоты Востока. Господи, слава Тебе!
глас 4Агница Твоя, Иисусе, зовет велиим гласом: Тебе, Женише мой, люблю, и, Тебе ищущи, страдальчествую и сраспинаюся и спогребаюся Крещению Твоему, и стражду Тебе ради, яко да царствую в Тебе, и умираю за Тя, да и живу с Тобою, но яко жертву непорочную приими мя, с любовью пожершуюся Тебе. Тоя молитвами, яко Милостив, спаси души наша.
Слава
глас 2Благородия нравом тя, честноподобне, украсив обоживый Господь, в рабии образе от Девы нам соединися, Иже тя в лик дев свещеносиц вчини и с мученики сочета, Евгение, яко воистину благородия Божественныя славы венец улучи.
И ныне
глас 3Дева днесь Пресущественнаго раждает и земля вертеп Неприступному приносит, ангели с пастырьми славословят, волсви же со звездою путешествуют, нас бо ради родися, Отроча Младо, Превечный Бог.
