глас 4
Рождество Твое, Христе Боже наш, возсия мирови свет разума, в нем бо звездам служащии звездою учахуся Тебе кланятися, Солнцу правды, и Тебе ведети с высоты Востока. Господи, слава Тебе!

глас 4
Пречистая Богомати, Богородице, Собор Твой честный украшен много­различными добротами, дары Ти при­носят, Госпоже, многи мирстии людие, узы наша грешныя раздери Своею милостию и спаси души наша.

Слава

глас 6
Иже прежде денницы от Отца без матере Родивыйся, на земли без отца воплотися днесь из Тебе, темже звезда благовествует волхвом, ангели же с пастырьми поют несказанное рождество Твое, Благодатная.

И ныне

глас 3
Дева днесь Пресущественнаго раждает и земля вертеп Неприступному приносит, ангели с пастырьми славословят, волсви же со звездою путешествуют, нас бо ради родися, Отроча Младо, Превечный Бог.