глас 4
Рождество Твое, Христе Боже наш, возсия мирови свет разума, в нем бо звездам служащии звездою учахуся Тебе кланятися, Солнцу правды, и Тебе ведети с высоты Востока. Господи, слава Тебе!

глас 4
От святыя иконы Твоея, радости неизреченныя преисполнила еси сердце благочестивыя жены. О, Пречистая Вла­дычице мира, всемощная Царице, радосте, Приснодево, твари, егда возвратила оной мужа и сына и достояние ея. Такожде и всем нам милосердствуеши, даруй исполнение благих желаний, источая присно текущий источник радости моля­щимся Тебе и вседушно вопиющим: Ра­дость всему миру родившая, радости исполни неоскудевающия чтущих Тя.

Слава

глас 8
Взбранной Воеводе победительная, яко избавльшеся от злых, благодарственная восписуем Ти, раби Твои, Богородице, но яко имущая державу непобедимую, от всяких нас бед свободи, да зовем Ти: радуйся, Невесто Неневестная.

И ныне

глас 3
Дева днесь Пресущественнаго раждает и земля вертеп Неприступному приносит, ангели с пастырьми славословят, волсви же со звездою путешествуют, нас бо ради родися, Отроча Младо, Превечный Бог.