глас 4
Готовися, Завулоне, и красуйся, Неффалиме, Иордане реко, стани, подыми, взыграя, креститися грядуща Владыку; веселися, Адаме с праматерию, не крыйта себе, якоже в раи прежде, ибо, наги видев вы явися, да облечет в первую одежду. Христос явися, всю тварь хотя обновити.

глас 4
От юности Христа возлюбил еси, блаженне, и Тому Единому работати пламенне вожделев, непрестанною молит­вою и трудом в пустыне подвизался еси, умилен­ным же сердцем любовь Христову стяжав, изб­ранник возлюблен Божия Матере явился еси. Сего ради вопием ти: спасай нас молитвами твоими, Серафиме, преподобне отче наш.

Слава

глас 2
Мира красоту и яже в нем тленная оставив, преподобне, в Сровскую обитель вселился еси, и тамо ангельски пожив, многим путь был еси ко спасению. Сего ради и Христос тебе, отче Серафиме, прослави и даром исцелений и чудес обогати. Темже вопием ти: радуйся, Серафиме, преподобне отче наш.

И ныне

глас 4
Во струях днесь Иорданских быв, Господь Иоанну вопиет: не убойся крестити Мя, спасти бо приидох Адама первозданнаго.